Bismillahirrahmanirrohim, singgih pare dane sami hanampi. Sadurung dewek titiang matur aken uninge, kaping utame dewek titiang matur salam ugame "Assalamu'alaikum wr,wb".
Singgih dane sami hanampi, yen menawi sampun ketampi salam ugame dewek titiang punike matur alhamdulillah wasyukurillah. Moge mugi dewek titiang sareng plungguhm sami kaulih ganjaran maring sang hiang widi kuase Allah SWT. Singgih dane sami hanampi, dewek titiang matur agung2 pengampure yen menawi sisip iwang lempir atur piatur tate bahase lan jatmike ring harapan dane sami dewek titiang sumadye uge matur agung2 palurgehe.
Singgih pare dane sami hanampi dewek titiang nenten khilaf matur aken pengampure dane yen nyarengin ring kiwe tengen rauhing untat dewek titiang punike agung2 palurgehe.
Singgih pare dane hanampi, dewek titiang sumadye parek pedek ring harapan dane sami kapernah kahutus antuk dane hangerat tanak awu panegare turmalih dane hangereh paduhan jontlak turmalih pare dane sepuh lingsir tanak awu panegare turmalih dane handarbe punangkarye ngaturang sejati selabar (nama prempuan) putri saking (nama bapak) kapernah kahambil sareng dane (nama laki) putre nire (nama mamiq).
Singgih, sampun nike dumun atur piatur dewek titiang punike, daweg kodalin pengandike.
Singgih dane sami hanampi, yen menawi sampun ketampi atur piatur dewek titiang punike, sumalih dewek titiang matur agung2 pengampure maring zahir nurusin batin, sumalih dewek titiang matur alhamdulillah wasyukurillah, moge mugi penganten hanyar kaulih raharje gemah ripah luh jenawi.
Turmalih dewek nenten khilaf matur anede hamid ngaturang pawikan maring dane hangutus dewek titiang punike, sumalih dewek titiang matur nurgehe. Wassalamu'alaikum wr, wb.
Nara Sumber : Lalu Masnun Hambali, S.Pd,SH,MH.
Penulis : Lalu Radiyan Sambi
Comments
Post a Comment